Il-UĦM hi kontra proposta mill-MEA dwar is-sick leave

Il-UĦM Voice of the Workers kategorikament hi kontra proposta tal-Assoċjazzjoni ta’ Min  Iħaddem (MEA) għall-Baġit tas-sena d-dieħla, li l-ewwel ġurnata tas-sick ma titħallasx u tiġi trattata bħala waiting day.

Josef Vella, il-Kap Eżekuttiv ta’ UĦM , saħaq li l-union qatt m’hi se taċċetta sitwazzjoni bħal din. Hu qal li l-UĦM mhix se taċċetta xi tnaqqis fuq il-kundizzjonijiet tas-sick leave għax dan imur kontra d-drittijiet  tal-ħaddiema. “Fuq kollox, sostna Josef Vella,  tali proposta hi assolutament illegali”.