fbpx

Il-ħaddiema tal-Aġenzija tal-Qorti ddiżappuntati minħabba dewmien

It-Taqsima Ħaddiema tal-Gvern fi ħdan il-UĦM Voice of the Workers irreġistrat tilwima industrijali fl-Aġenzija tal-Qorti.

It-taqsima waslet għal din id-deċiżjoni minħabba dewmien min-naħa tal-amministrazzjoni, u mill-Industrial Relations Unit sabiex jiġi konkluż id-dokument wara taħditiet li kienu saru dwar il-ftehim kollettiv. Barra min hekk hemm id-diżappunt kbir għal-mod ta’ kif qed jiġu ttrattati n-negozjati fil-konfront ta’ dawn il-ħaddiema fi ħdan din l-aġenzija.

It-Taqsima Ħaddiema tal-Gvern għamlet kull tentattiv mal-Kap Eżekuttiv tal-Aġenzija tal-Qorti, kif ukoll mal-Industrial Relations Unit sabiex jitkomplew dawn in-negozjati mill-aktar fis, imma sfortunatament ma kien hemm l-ebda progress.

Fid-dawl ta’ dan kollu u wara li sar kull tentattiv sabiex din is-sitwazzjoni tiġi riżolta madwar il-mejda tan-negozjati, jidher li l-amministrazzjoni ma ħalliet l-ebda triq oħra, ħlief li t-Taqsima Ħaddiema tal-Gvern tirreġistra din it-tilwima industrijali.

Din it-taqsima mhux teskludi li tordna azzjonijiet industrijali kemm il-darba mhux se tingħata l-attenzjoni meħtieġa lil din is-sitwazzjoni. Id-direttivi li ser jidħlu fis-seħħ ser jaffettwaw numru kbir ta’ ħaddiema fosthom, messaġġiera tal-Qorti, marixxalli tal-Qorti, assistenti reġistraturi, deputati reġistraturi, assistenti ġudizzjarji, ħaddiema tar-Reġistru u ħafna impjegati oħra. 

Like this article?

Share on facebook
Share on Facebook
Share on twitter
Share on Twitter
Share on linkedin
Share on Linkdin
Share on pinterest
Share on Pinterest

Leave a comment