fbpx

Tingħata l-għarfien ewlieni biex tirrapreżenta professjonisti ma’ Steward Health Care

 

Il-UĦM Voice of the Workers illum ingħatat l-għarfien ewlieni tal-Allied Health Professionals u Dieticians li jaħdmu direttament ma’ Steward Health Care.

Dan seħħ wara laqgħa li saret għand id-Direttur għax-Xogħol u r-Relazzjonijiet Industrijali (DIER). Għaliha attendew Gian Paul Gauci, Assistent Direttur u Mario Sacco, Employment Relations Senior Manager fi ħdan UĦM Voice of the Workers. Irriżulta li aktar minn 80 fil-mija ta’ dawn il-professjonisti fdaw f’din il-union sabiex tirrapreżentahom u iġġibilhom kundizzjonijiet tax-xogħol aħjar.

Il-UĦM Voice of the Workers ukoll talbet għall-għarfien sħiħ tal-Allied Health Professionals impjegati mal-Gvern.

Gian Paul Gauci qal li  t-tema fil-proċess tal-għarfien għal din il-kategorija ta’ ħaddiema hi  “Jien ħaqqni aħjar”. Hu saħaq li dawn il-ħaddiema ma jistgħux jibqgħu jiġu trattati differenti minn professjonijiet oħrajn.

L-Assistent Direttur ta’ UĦM Voice of the Workers stqarr li  l-Union se tkun qed tinsisti u tinnegozja kundizzjonijiet xierqa għal dawn il-professjonisti li jirriflettu r-responsabbiltà kif ukoll l-istatus ta’ dawn il-ħaddiema.

L-ewwel pass li l-union se tagħmel huwa li tisħaq biex  il-professjonisti impjegati ma’ Steward isiru ħaddiema tal-Gvern; il-UĦM  Voice of the Workers se tkun qed tinsisti biex dawn il-professjonisti jingħataw l-istess kundizzjonijiet bħal ħaddiema sħabhom impjegati mal-Gvern li jagħmlu l-istess xogħol, huma reġistrati fl-istess professjoni u saħansitra jaħdmu flimkien fl-istess sala.

Barra minn hekk, din il-union se tistinka sabiex jingħalaq il-proċess tal-għarfien tal-Allied Health Professionals kollha impjegati mal-Gvern ħalli jsiru n-negozjati kollha neċessarji għal dawn il-professjonisti u b’hekk tabilħaqq jiġu trattati ta’ professjonisti.

Like this article?

Share on facebook
Share on Facebook
Share on twitter
Share on Twitter
Share on linkedin
Share on Linkdin
Share on pinterest
Share on Pinterest

Leave a comment